رغم عودة لاعب الزمالك محمود عبد الرازق شيكابالا إلى معسكر الفريق بالإسكندرية بعد انقطاعه لمدة أسبوع كامل عن المعسكر، إلا أن الواضح أن اللاعب يعيش ظروفاً نفسية متقلبة يحاول إخراج نفسه منها بطريقته الخاصة المعتمدة على الدعابة، ومحاولة إظهار الثقة بالنفس التى تصل إلى حد الغرور، حيث ظهر ذلك منذ أول لحظة اانضمامه للمعسكر فى الثانية قبل فجر اليوم الثلاثاء، حيث ظل يداعب كل من يقابله وكأنه لم يخطئ بتأخره عن الانضمام للمعسكر منذ بدايته قبل أسبوع أو يحاول ادعاء ذلك.
وكان اليوم السابع شاهداً على تصرفات شيكابالا لحظة وصوله المعسكر من خلال اتصال تليفونى تم فى الثانية والنصف فجرا مع وليد بدر إدارى فريق الزمالك لمعرفة موقف اللاعب، وحقيقة ما تردد حول انضمامه للمعسكر من عدمه.. الغريب أن شيكابالا هو من قام بالرد على تليفون إدارى الفريق الخاص دون أن يكشف عن هويته، ودار الحوار التالى..
اليوم السابع: ازيك يا كابتن وليد
شيكابالا: انت مين؟
اليوم السابع: عايز كابتن وليد؟
شيكابالا: فى حد يتصل بحد دلوقتى
اليوم السابع: انت مين؟.. يا ريت تدينى كابتن وليد
شيكابالا: أنا سونج (عامل غرفة خلع الملابس)
اليوم السابع: انت مش سونج.. أنا عارف صوت سونج دا كويس
شيكابالا: طيب عايز ايه؟
اليوم السابع: عايز أعرف شيكابالا فى المعسكر ولا لأ؟
شيكابالا: طيب انت عايزه يجى ولا لأ؟
اليوم السابع: طبعا عايزه يجى عشان يساعد الزمالك فى العودة للبطولات وإسعاد الجماهير
شيكابالا: اللى هايفتح بؤه.. شيكا....!!!! (الهتاف الشهير لشيكابالا من جماهير الزمالك)
اليوم السابع: طيب كفاية تهريج بقى وادينى كابتن وليد
